सांगली(प्रतिनिधी) १४ एप्रिल २०२६ : सामाजिक समता सप्ताहाचे औचित्य साधून सांगली जिल्हा जाती प्रमाणपत्र पडताळणी समितीच्या वतीने एक विशेष मोहीम हाती घेण्यात आली आहे. दि. १४ ते २० एप्रिल २०२६ या कालावधीत ही मोहीम राबविण्यात येणार असून, मागासवर्गीय विद्यार्थ्यांनी आपले अर्ज त्वरित सादर करावेत, असे आवाहन प्रशासनाने केले आहे.
व्यावसायिक प्रवेशासाठी प्रमाणपत्र सन
२०२६-२७ या शैक्षणिक वर्षात अभियांत्रिकी (Engineering), वैद्यकीय (Medical), कृषी, फार्मसी, विधी (Law) आणि बी.एड. यांसारख्या व्यावसायिक अभ्यासक्रमांना प्रवेश घेऊ इच्छिणाऱ्या आरक्षित प्रवर्गातील विद्यार्थ्यांना ‘जात वैधता प्रमाणपत्र’ सादर करणे बंधनकारक आहे. यामध्ये अनुसूचित जाती (SC), विमुक्त जाती (VJ), भटक्या जमाती (NT), इतर मागासवर्ग (OBC), विशेष मागासवर्ग (SBC) आणि एसईबीसी (SEBC-मराठा) या प्रवर्गातील विद्यार्थ्यांचा समावेश आहे.
वेळेत अर्ज करण्याचे जिल्हा
जाती प्रमाणपत्र पडताळणी समितीचे उपायुक्त तथा सदस्य नागनाथ चौगुले यांनी प्रसिद्धीपत्रकाद्वारे माहिती दिली की, “जात प्रमाणपत्र पडताळणी प्रक्रियेला साधारणपणे ३ ते ५ महिन्यांचा कालावधी लागतो. त्यामुळे ऐनवेळी होणारी धावपळ टाळण्यासाठी ज्या विद्यार्थ्यांनी अद्याप अर्ज केलेले नाहीत, त्यांनी सांगली कार्यालयाशी त्वरित संपर्क साधावा.
“मोहिमेची महत्त्वाची माहिती:कालावधी:
१४ एप्रिल ते २० एप्रिल २०२६ (सामाजिक समता सप्ताह).कोठे संपर्क साधाल: जिल्हा जात प्रमाणपत्र पडताळणी समिती कार्यालय, सांगली.कोणासाठी: व्यावसायिक अभ्यासक्रमांना प्रवेश घेणारे मागासवर्गीय व एसईबीसी प्रवर्ग विद्यार्थी.प्रवेश प्रक्रियेदरम्यान कोणतीही तांत्रिक अडचण येऊ नये, यासाठी या विशेष मोहिमेचा लाभ जास्तीत जास्त विद्यार्थ्यांनी घ्यावा, असे आवाहन समितीच्या वतीने करण्यात आले आहे.
टिप: अर्ज सादर करताना आवश्यक ती सर्व मूळ कागदपत्रे आणि त्यांच्या साक्षांकित प्रती सोबत ठेवणे आवश्यक आहे.