मिरजमध्ये गाढवावर डिजिटल फलक लावून सांगली जिल्हा परिषद प्रशासनाचा निषेध व्यक्त केला.
28 ऑगस्ट रोजी पासूनची आरपार लढाईची घोषणा , मालगाव ग्रामविकास अधिकाऱ्यांच्यावर निलंबनाची कारवाई शिवाय माघार नाही, डॉ.महेशकुमार कांबळे यांचा इशारा.
भारतरत्न डॉ. बाबासाहेब आंबेडकर यांच्या 133 व्या जयंतीला गैरहजर असणाऱ्या मालगाव ग्रामविकास अधिकारी सुरेश जगताप यांच्यावर निलंबनाची कारवाई करण्याच्या मागणीसाठी समस्त आंबेडकर समाज सांगली जिल्ह्या आता उतरला आहे. आज मिरजेतील डॉ.बाबासाहेब आंबेडकर यांच्या पुतळ्याला अभिवादन करून समस्त आंबेडकरी समाजाचे नेते डॉ.महेशकुमार कांबळे व उपसरपंच सचिन कांबळे यांच्या नेतृत्वाखाली कारवाईला दिरंगाई करणाऱ्या सांगली जिल्हा परिषद प्रशासनाच्या निषेधार्थ मोर्चा काढला आला.
गाढवावर सांगली जिल्हा परिषद प्रशासन डिजिटल लावून मोर्चा काढून मिरज पंचायत समिती समोर ठिय्या आंदोलन केले. यावेळी जिल्हा परिषद चे उपमुख्य कार्यकारी अधिकारी श्री.काळे यांनी आंदोलकांची समजूत काढण्याचा प्रयत्न केला, जो पर्यंत ग्रामविकास अधिकारी सुरेश जगताप यांच्या वर निलंबनाची कारवाई होत नाही तो पर्यंत आंदोलन सुरूच राहणार असा इशारा डॉ महेश कुमार कांबळे यांनी दिला.
पण यागोष्टीची जिल्हा परिषद प्रशासनाकडून सुरेश जगताप यांच्या वर कारवाई करण्याचे संकेत मिळत नसल्याने दिनांक 28 ऑगस्ट रोजी पासून आरपारच्या लढाईला सुरुवात करणार असल्याचा इशारा डॉ. महेशकुमार कांबळे यांनी दिला. मिरज पंचायत समिती समोर उपोषणाला बसलेले तुषार खांडेकर यांचे आंदोलन स्थगित करून दुसऱ्या टप्प्यातील तीव्र आंदोलन छेडण्याचे संकेत त्यांनी दिले.
यावेळी यावेळी उमेश धेंडे , अरविंद कुरणे , सागर आवळे , सुलेमान मुजावर, माजिद मुतवल्ली, स्वप्नील बनसोडे, प्रदीप सावंत, किरण बंडगर, महादेव दबडे यांच्यासह समस्त आंबेडकरी समाजाचे कार्यकर्ते मोठ्या संख्येने मोर्चात सहभागी झाले होते.