🌾 शेतकरी बांधवांनो, आता घरबसल्या शिका आधुनिक तंत्रज्ञान! ‘डिजिटल शेती शाळेत’ सहभागाचे आवाहन  

सांगली | ३१ मार्च २०२६ : बदलत्या हवामानाचे संकट आणि शेतीतील वाढता खर्च यावर मात करण्यासाठी ‘नानाजी देशमुख कृषी संजीवनी प्रकल्प’ (PoCRA) आणि ‘पाणी फाउंडेशन’ सरसावले आहेत. या दोन्ही संस्थांच्या संयुक्त विद्यमाने शेतकऱ्यांसाठी एक विशेष ‘डिजिटल शेती शाळा’ आयोजित करण्यात आली आहे. या अभिनव उपक्रमात सांगली जिल्ह्यातील जास्तीत जास्त शेतकऱ्यांनी ऑनलाईन सहभागी व्हावे, असे आवाहन जिल्हा अधीक्षक कृषी अधिकारी विवेक कुंभार यांनी केले आहे.

🔺 शेती शाळेचे वेळापत्रक

(वेळ: सायंकाळी ७:३० वाजता) ही शेती शाळा चार महत्त्वाच्या टप्प्यांत पार पडणार आहे.

१ एप्रिल, २०२६ (भाग १) : पेरणीपूर्व तंत्रज्ञान – बेड तयार करणे, टोकण पद्धत, आंतरपीक नियोजन आणि बीजप्रक्रिया.

८ एप्रिल, २०२६ (भाग २) : सेंद्रिय निविष्ठा उत्पादन – बीजामृत, जीवामृत, घनजीवामृत आणि दशपर्णी अर्क तयार करण्याचे प्रात्यक्षिक.

१५ एप्रिल, २०२६ (भाग ३): एकात्मिक कीड व्यवस्थापन (IPM) – सापळा पिके, पक्षी थांबे आणि मित्र कीटकांचा वापर.

२२ एप्रिल, २०२६ (भाग ४): भात शेती तंत्रज्ञान – थेट पेरणी (DSR), या उपक्रमाची प्रमुख वैशिष्ट्येतज्ज्ञांचे मार्गदर्शन: अनुभवी कृषी तज्ज्ञ थेट तुमच्या मोबाईलवर मार्गदर्शन करतील. 🔺घरबसल्या शिक्षण: धावपळीच्या युगात शेतकऱ्यांना प्रवासाचा त्रास न होता आधुनिक तंत्रज्ञान शिकता येईल.

🔺महिला व युवकांना प्राधान्य: शेतीमध्ये नवीन प्रयोग करू इच्छिणाऱ्या युवा शेतकऱ्यांसाठी ही मोठी संधी आहे.

🔺दुहेरी फायदा: पाणी फाउंडेशनचे जलव्यवस्थापन आणि पोकरा प्रकल्पाचे तांत्रिक ज्ञान एकाच वेळी मिळणार आहे.

📲 सहभाग कसा नोंदवायचा?ही शेती शाळा पूर्णपणे ऑनलाईन (Zoom/YouTube/Google Meet) स्वरूपाची आहे. सहभागी होण्यासाठीची लिंक खालील माध्यमांतून उपलब्ध होईल.गावातील कृषी सहाय्यक किंवा कृषी मित्र. सरपंच किंवा ग्रामपंचायत कार्यालय.

कृषिताई, कृषिसखी किंवा गावचा व्हॉट्सॲप ग्रुप.

अधिक माहितीसाठी संपर्क:

तुमच्या गावातील कृषी सहाय्यक किंवा नजीकच्या कृषी विभागाच्या कार्यालयाशी संपर्क साधावा.

“पाण्याचे नियोजन आणि आधुनिक तंत्रज्ञानाची कास धरणे ही काळाची गरज आहे. तंत्रज्ञानाने समृद्ध होऊन शेती शाश्वत करण्यासाठी या शाळेत नक्की सहभागी व्हा.”— विवेक कुंभार, जिल्हा अधीक्षक कृषी अधिकारी, सांगली.