पुणे विभागात मतदार नोंदणी कमी; राजकीय पक्षांना आवाहन
पुणे, ४ डिसेंबर (सांगली-टुडे वृत्तसेवा) : पुणे विभागातील पदवीधर आणि शिक्षक मतदारसंघाच्या प्रारुप मतदार यादीनुसार मतदारांची संख्या अपेक्षेपेक्षा कमी नोंदवली गेली आहे. विभागीय आयुक्त डॉ. चंद्रकांत पुलकुंडवार यांनी दिलेल्या माहितीनुसार, सध्या २ लाख ७२ हजार ६१ पदवीधरांची, तर ४४ हजार २३३ शिक्षकांची नोंदणी झाली आहे.
२०२० च्या निवडणुकीत पदवीधर मतदारांची संख्या ४ लाख २० हजार ८९६ होती, या तुलनेत सध्याची नोंदणी लक्षणीयरीत्या कमी आहे. ही तफावत भरून काढण्यासाठी १८ डिसेंबर २०२५ पर्यंत राजकीय पक्षांनी जनजागृती करावी, असे आवाहन डॉ. पुलकुंडवार यांनी केले आहे.
महत्वाच्या तारखा आणि नमुने:
| कार्यवाही | अंतिम मुदत/तारीख | नमुना क्रमांक |
| दावे व हरकती दाखल करणे | १८ डिसेंबर २०२५ | ७, ८, १८, १९ |
| अंतिम मतदार यादीची प्रसिद्धी | १२ जानेवारी २०२६ | – |