आमदार सुधीर गाडगीळ यांनी घेतला नगरसेवकांसह महापालिका प्रशासनाचा आढावा
सांगली, दि. ०७ नोव्हेंबर :सांगली, मिरज आणि कुपवाड शहर महानगरपालिका क्षेत्रातील नागरिकांच्या मूलभूत समस्या आणि प्रलंबित प्रश्नांसंदर्भात आज महापालिकेमध्ये एक महत्त्वपूर्ण आढावा बैठक पार पडली. भाजपचे प्रमुख नगरसेवक आणि पदाधिकाऱ्यांसह आमदार सुधीर गाडगीळ यांनी या बैठकीत महापालिका प्रशासनाशी चर्चा केली.महापालिका आयुक्त तथा प्रशासक श्री. सत्यम गांधी यांच्या दालनात झालेल्या या बैठकीस अतिरिक्त आयुक्त राहुल रोकडे, नगर अभियंता पृथ्वीराज चव्हाण, पाणीपुरवठा अभियंता चिदानंद कुरणे यांच्यासह सर्व संबंधित प्रशासकीय अधिकारी उपस्थित होते.बैठकीतील महत्त्वाचे विषय:बैठकीत प्रामुख्याने खालील समस्या आणि प्रश्नांवर सविस्तर चर्चा करण्यात आली:पाणीपुरवठा आणि वीज समस्या (लाईट प्रश्न): महापालिका क्षेत्रातील पाणीपुरवठा विभागातील अडचणी आणि वीज पुरवठ्याशी संबंधित समस्या.गावभाग स्मशानभूमी स्थलांतर: गावभाग परिसरातील स्मशानभूमीच्या स्थलांतरासंदर्भातील नागरिकांच्या मागण्या.नालेसफाई: पावसाळ्यापूर्वी आणि नियमित नालेसफाईच्या कामाचा आढावा.शहराचे सुशोभिकरण: उद्यानांचे सुशोभिकरण आणि सांगली-मिरज रस्त्यावरील दुभाजकांच्या सुशोभिकरणाचा प्रश्न.शाळा दुरुस्ती: गावभाग आणि महापालिका क्षेत्रातील शाळांच्या दुरुस्ती आणि देखभालीसंदर्भातील प्रश्न.आमदार सुधीर गाडगीळ यांनी सर्व प्रश्न प्रभावीपणे मांडले आणि ते लवकरात लवकर सोडवण्याची मागणी केली. यावर आयुक्त श्री. सत्यम गांधी यांनी सर्व प्रश्नांवर सकारात्मक चर्चा झाल्याचे नमूद करत, नागरिकांच्या समस्या लवकरात लवकर सोडविण्यात येतील, अशी ग्वाही दिली.
