सांगली, ता.१६: जिल्ह्यात दिवाळी सणाच्या अनुषंगाने कोणताही अनुचित प्रकार घडू नये यासाठी जिल्हादंडाधिकारी अशोक काकडे यांनी भारतीय नागरिक सुरक्षा संहिता २०२३ चे कलम १६४ अन्वये मनाई आदेश जारी केले आहेत. हे आदेश १७ ऑक्टोबर २०२५ ते २३ ऑक्टोबर २०२५ अखेर पर्यंत अंमलात राहतील.
मनाई आदेशाच्या अटी:
- पेट्रोल/डीझेल पंप/डेपो, गॅस सिलेंडर गोदाम, केरोसीन तेलाचे डेपो, फटाक्यांची दुकाने, ज्वालाग्रही पदार्थांचे डेपो आणि रासायनिक पदार्थांचे डेपो यांच्या १०० मीटर आत फटाके उडविण्यास मनाई.
- शाळा, कॉलेज, रुग्णालये, न्यायालये इत्यादी सार्वजनिक ठिकाणी जे शांतता झोन मध्ये येतात, त्या भागात १०० मीटर परिसरात फटाके फोडण्यास मनाई.
- फटाक्याच्या लडी आणि असे फटाके जे मोठे प्रमाणात प्रदूषित हवा, आवाज, घनकचरा तयार करतात अशा प्रकारचे तत्सम फटाके फोडण्यास मनाई.
- कायदा व सुव्यवस्था राखण्याच्या दृष्टीने उडणारे बलून, आकाश दिवे/आकाशकंदील, ड्रोन आदी आकाशामध्ये सोडण्यास/उडविण्यास मनाई.
अंमलबजावणी:
हे आदेश जिल्हादंडाधिकारी अशोक काकडे यांनी जारी केले आहेत आणि त्याचे उल्लंघन करणाऱ्यांवर कडक कारवाई केली जाईल.