मंत्री हसन मुश्रीफ, आमदार नायकवडी यांची उपस्थिती शेकडो पदाधिकारी , कार्यकर्त्यांचा पक्षप्रवेश व रोजगार मेळाव्याचे आयोजन
मिरज, ता.२१ : विधानसभा मतदारसंघात शहरी आणि ग्रामीण भागात राष्ट्रवादी काँग्रेस पक्ष अजितदादा पवार गटाची ताकद वाढत आहे. पक्षाचे मिरज विधानसभा क्षेत्र प्रमुख महादेवदादा दबडे यांच्या वाढदिवसानिमित्त पक्षाचे जोरदार शक्ती प्रदर्शन होणार आहे. दबडे यांच्या वाढदिवसानिमित्ताने राज्याचे वैद्यकीय शिक्षण मंत्री हसन मुश्रीफ, आमदार इद्रिस नायकवडी, माजी मंत्री अजितराव घोरपडे सरकार, जिल्हाध्यक्ष निशिकांत भोसले पाटील शहर जिल्हाध्यक्ष पद्माकर जगदाळे आदी नेत्यांच्या उपस्थितीत विविध पक्षातील शेकडो पदाधिकारी कार्यकर्त्यांचा पक्षप्रवेश सोहळा पार पडणार आहे.
महादेवदादा दबडे यांच्या वाढदिवसानिमित्ताने पक्षीय पातळीवरून विविध राजकीय कार्यक्रमांचे जोरदार आयोजन करण्यात आले आहे. २३ जून २०२५ रोजी मिरजेतील शाही दरबार हॉल येथे भव्य रोजगार मेळावा होणार आहे. त्याचबरोबर पक्षाचे जिल्हाध्यक्ष निशिकांत भोसले पाटील यांची पक्षाच्या जिल्हाध्यक्षपदी निवड झाल्याबद्दल भव्य नागरी सत्कार समारंभाचे आयोजन करण्यात आले आहे.
यावेळी मिरज विधानसभा क्षेत्रातील विविध पक्षातील पदाधिकारी कार्यकर्त्यांचा पक्षप्रवेश सुद्धा होणार आहे. शेकडोंच्या संख्येने तालुक्यातील पदाधिकारी कार्यकर्ते पक्षात प्रवेश करणार असल्याचे महादेवदादा दबडे यांनी सांगितले.
या कार्यक्रमांना पक्षाचे प्रदेश उपाध्यक्ष विष्णू माने, प्रदेश सरचिटणीस दिग्विजय सूर्यवंशी, माजी नगरसेवक अतहर नायकवडी, जिल्हा कार्याध्यक्ष जमील बागवान, महिला प्रदेश संघटक सुवर्णा पाटील, युवक प्रदेश उपाध्यक्ष बाळासाहेब ओमासे, जिल्हा उपाध्यक्ष शंकरराव गायकवाड, महिला शहर जिल्हाध्यक्ष राधिका हारगे, महिला ग्रामीण जिल्हाध्यक्ष साधना कांबळे, सांगली विधानसभा क्षेत्र अध्यक्ष बीरेंद्र थोरात, जिल्हा उपाध्यक्ष हर्षल सावंत, मिरज तालुकाध्यक्ष देवजी साळुंखे, बोलवाडचे विद्यमान उपसरपंच सचिन कांबळे, टाकळीचे देशभूषण उपाध्ये, टाकळीचे ग्रामपंचायत सदस्य मन्सूर नदाफ, मनोज नांद्रेकर, रायाप्पा नाईक यांच्यासह पदाधिकारी उपस्थित राहणार आहेत.