मिरज : प्रतिनिधी – परशुराम बनसोडे
लिंगनूर ता.३१ : येथील शेतकरी राहत्या घरी कीटकनाशक पिऊन आत्महत्या केल्याची घटना काल घडली आहे. किटनाशक पिऊन आत्महत्या करणाऱ्या शेतकऱ्याचे नाव कैलास वीरभद्र चौधरी रा. सध्या लिंगनूर वय वर्ष ४५ असे आहे. आत्महत्या करण्यापूर्वी व्हिडिओ कॉल रेकॉर्डिंग करून आत्महत्यास जबाबदार असणाऱ्या व्यक्तीवर पोलिसांनी कारवाई करावी यासाठी काल राहत्या घरी कीटकनाशक औषध घेऊन आत्महत्या केली आहे.
कीटकनाशक पिल्यानंतर कैलास यास तातडीने मिरज येथील शासकीय रुग्णालयात दाखल करण्यात आले होते. उपचारादरम्यान त्यांचा मृत्यू झाल्याचे डॉक्टरांनी सांगितले आहे. त्यांच्या पश्चात पत्नी असून जमिनीच्या वादातून व्हिडिओ रेकॉर्डिंग करून कीटकनाशक प्राशन करून आत्महत्या करण्यात आले आहे. जबाबदार असणाऱ्या व्यक्तींवर पोलिसांनी तातडीने कारवाई करून गुन्हा दाखल करण्याची मागणी त्यांच्या पत्नीने केली आहे.
याप्रकरणी काल रात्री उशिरा गुन्हा दाखल करण्याचे काम सुरू होते. मिरज ग्रामीण पोलीस ठाण्याचे पोलीस निरीक्षक अजित शिंद यांनी सर्व माहिती घेऊन लवकरात लवकर गुन्हा दाखल करण्याचे काम सुरू होईल असे माहिती सांगितले आहे.