सांगली, दि. २७ : दिव्यांग व्यक्तींना स्वावलंबी होण्याच्या दृष्टीने हरित उर्जेवर चालणाऱ्या पर्यावरणस्नेही फिरत्या वाहनावरील दुकान (मोबाईल शॉप ऑन ई-व्हेईकल) मोफत उपलब्ध करुन देण्याबाबतची योजना लागू करण्यासंदर्भात दिनांक 10 जून 2019 रोजीच्या शासन निर्णयानुसार मान्यता देण्यात आली आहे. सन २०२४-२५ करिता या योजनेचा लाभ घेण्यासाठी दिव्यांग व्यक्तींना ऑनलाईन अर्ज सादर करण्यास दिनांक ६ फेब्रुवारी २०२५ पर्यंत मुदत देण्यात आली आहे. या योजनेचा अधिकाधिक दिव्यांग व्यक्तींनी लाभ घ्यावा, असे आवाहन महाराष्ट्र राज्य दिव्यांग वित्त व विकास महामंडळ, मर्यादित सांगली चे जिल्हा व्यवस्थापक यांनी प्रसिध्दीपत्रकाव्दारे केले आहे. या योजनेचा उद्देश दिव्यांग व्यक्तींना पुरेशा सोयी-सुविधा उपलब्ध करुन रोजगार निर्मितीस चालना देणे, त्यांचे आर्थिक, सामाजिक पुनर्वसन करणे व सर्वसामान्य व्यक्तींप्रमाणे त्यांच्या परिवार / कुटुंबासमवेत जीवन जगण्यास सक्षम करणे हा आहे. या योजनेचा लाभ राज्यातील गरजू दिव्यांग दिव्यांग व्यक्तींकडून ऑनलाईन अर्ज मागविण्यासाठी
हि लिंक उपलब्ध करुन देण्यात आली आहे. या लिंकद्वारे दिव्यांग व्यक्तींना ऑनलाईन अर्ज सादर करण्यासाठी दिनांक 6 फेब्रुवारी 2025 सायंकाळी 6 वाजेपर्यंत मुदत देण्यात आली आहे.