सांगली | प्रतिनिधी |
सांगली मिरज आणि कुपवाड शहर महानगरपालिका कार्यक्षेत्रातील महानगरपालिका प्राथ. शाळा क्र. २९, सांगली या महानगरपालिकेच्या शाळेमध्ये दि १७/१०/२०२४ रोजी श्रीम, विजया सुरेश शिंगाडे, सहा, शिक्षिका यांचेकडून विद्यार्थ्यांना मारहाणीचा प्रकार घडला होता. याबाबत पालक व विदयार्थी यांनी तक्रार केलेली होती. विजया यादव उपायुक्त, सचिन सागावकर, सहा. आयुक्त,-श्री. रंगराव आठवले, प्रशासन अधिकारी शिक्षण विभाग सांगली मिरज आणि कुपवाड शहर महानगरपालिका यांनी सदर प्रकरणी चौकशी केली आहे. सदर चौकशीमध्ये विदयार्थ्यांना मारहाण झाल्याचे निष्पन्न झाले. ही बाब गंभीर स्वरूपाची असल्याने मा आयुक्त यांनी नोंद घेऊन मुख्याध्यापक श्री मारुती माळी यांची बदली तर विजया सुरेश शिंगाडे सहा. शिक्षिका यांच्या वर निलंबनाची कारवाई केली आहे.