सांगली : प्रतिनिधी
सत्यम गांधी यांनी मनपा आयुक्त पदाचा कार्यभार स्वीकारला
सांगली, ता.१६ : मिरज कुपवाड महानगरपालिकेच्या आयुक्तपदी सत्यम गांधी यांची नियुक्ती झाल्यानंतर आज नूतन आयुक्त मा. सत्यम गांधी यांनी महापालिका मुख्यालयात येऊन आयुक्त पदाचा कार्यभार स्वीकारला. मंगळवारी सत्यम गांधी यांची नियुक्तीबाबतचे आदेश येताच सत्यम गांधी यांनी आज सकाळी महापालिका मुख्यालयात दाखल झाले.
यावेळी प्रभारी आयुक्त रविकांत अडसूळ आणि अन्य अधिकाऱ्यांनी नूतन आयुक्त सत्यम गांधी यांचे स्वागत केले. त्यानंतर छत्रपती शिवाजी महाराज यांच्या पुतळ्यास आणि भारतरत्न डॉ. बाबासाहेब आंबेडकर यांच्या प्रतिमेस अभिवादन करीत सत्यम गांधी यांनी आयुक्त दालनात जाऊन आयुक्त पदाचा कार्यभार स्वीकारला. यावेळी महापालिकेच्या सर्व वरिष्ठ अधिकाऱ्यांनी आयुक्त सत्यम गांधी यांचे स्वागत केले. यावेळी अतिरिक्त आयुक्त रविकांत अडसूळ, उपायुक्त वैभव साबळे, स्मृती पाटील, शिल्पा दरेकर, सहाय्यक आयुक्त आकाश डोईफोडे, लेखाधिकारी अभिजित मेंगडे आधी उपस्थित होते. पदभार स्वीकारल्यानंतर नूतन आयुक्त माननीय सत्यम गांधी यांनी विविध विभागात भेटी देऊन कामकाजाची माहिती घेतली.