मिरज : प्रतिनिधी
मिरज , ता.११ : शहरातील विविध ठिकान्याहून दुचाकी चोरणाऱ्या दोघांना मिरज महात्मा गांधी पोलिसांनी केले अटक. रमेश ऊर्फ शुभम प्रमोद कांबळे (वय २४, रा. बौद्ध वसाहत, नदीवेस, मिरज) आणि प्रथमेश बाबासाहेब सुर्वे (२५, रा. बहे-नरसिंगपूर, ता. वाळवा) अशी अटक केलेलांची नावे आहेत. दोघांना अटक करून त्यांच्याकडून दोन लाख रुपये किमतीच्या सहा दुचाकी जप्त करण्यात आल्या आहेत.
पोलिसांच्या अधिक माहितीनुसार मिरज शहरातील दुचाकी चोरीच्या घटनेचे प्रमान वाढले असल्याने महात्मा गांधी पोलीसांतिल डिबी पथकाने गस्त घालण्यास सुरवात केली. गस्त घालत असताना शनिवारी (ता. ८) नमूद पथकाला बातमी मिळाली की, दोघे संशयित मिरज-कोल्हापूर रस्त्यावर असलेल्या पुलाखाली येणार असल्याची त्यानुसार पथकाने नमूद ठिकाणी सापळा रचून दोघेही संशयितांना ताब्यात घेत चौकशी केली असता त्यांनी जवळ असलेली दुचाकी भारतनगर येथून चोरल्याची कबुली दिली; तसेच आणखीही दुचाकी चोरल्या असून, त्या हैदरखान विहिरीच्या बाजूला असलेल्या झाडाखाली लावल्याचेही सांगितले. पोलिस पथकाने तत्काळ तिथे जात पाच दुचाकी ताब्यात घेतल्या. दोघे संशयितांनी सांगली ग्रामीण आणि इस्लामपूरच्या हद्दीतील चोरीची गुन्ह्याचा कबुली दिली. अधिक तपास महात्मा गांधी पोलीस मिरज करीत आहे
दोघाही संशयितांना न्यायालयासमोर हजर केले असता न्यायालयाने त्यांना मंगळवारपर्यंत पोलिस कोठडी सुनावण्यात आली आहे. सहायक पोलिस निरीक्षक संदीप शिंदे यांच्या मार्गदर्शनाखाली उपनिरीक्षक संदीप गुरव, धनंजय चव्हाण, विठ्ठल गुरव, सूरज पाटील, अभिजित धनगर, अभिजित पाटील, मोनीस टिनमेकर आदींच्या पथकाने ही कारवाई केली.