सांगली,ता.१७: जिल्हास्तरावर सन २०२४-२५ मध्ये धार्मिक अल्पसंख्यांक विद्यार्थी बहुल शाळांमध्ये पायाभूत सोयी-सुविधा योजना राबविण्यात येणार आहे. यासाठी जिल्ह्यातील अल्पसंख्यांक बहुल शासनमान्य खाजगी अनुदानित, विना अनुदानित, कायम विना अनुदानित शाळा, अपंग शाळा, नगरपालिका, नगरपरिषद शाळा व औद्योगिक प्रशिक्षण संस्था यांनी अल्पसंख्यांक विकास विभागाकडील दि. ७ ऑक्टोबर २०१५ व ७ ऑक्टोबर २०२४ च्या शासन निर्णयातील व शासन पूरक पत्र यांच्या निकषांची पुर्तता करून दि. २२ फेब्रुवारी २०२५ अखेर सायंकाळी ५ वाजेपर्यंत जिल्हा नियोजन समिती, जिल्हाधिकारी कार्यालय सांगली येथे प्रस्ताव सादर करावेत, असे आवाहन जिल्हा नियोजन अधिकारी अशोक पाटील यांनी प्रसिध्दीपत्रकाव्दारे केले आहे.
या योजनेच्या अटी व शर्ती तसेच अधिक माहितीसाठी जिल्हा नियोजन समिती, जिल्हाधिकारी कार्यालय, विजयनगर, सांगली, दूरध्वनी क्रमांक 0233-2600525 येथे संपर्क साधावा, असे आवाहनही श्री. पाटील यांनी केले आहे.