मिरज मतदार संघातून काँग्रेस पक्षाने बौद्ध समाजाचे सी. आर. सांगलीकर यांना उमेदवारी देण्याचे मागणी.
मिरज तालुक्यातील संपूर्ण बौद्ध समाजाच्या वतीने आज पत्रकार परिषद घेऊन मागणी करण्यात आली आहे. मिरज मतदार संघ गेल्या पंधरा वर्षापासून अनुसूचित जाती प्रवर्गासाठी राखीव आहे. मिरज मतदारसंघात ४५००० इतकी बौद्ध मतदारांची संख्या आहे. इतकी संख्या असून तरीपण बौद्ध समाजाच्या व्यक्तीला प्रतिनिधित्व देण्यात आलेले नाही. त्यामुळे बौद्ध समाजाचे संभाव्य उमेदवार सी.आर. सांगलीकर यांना काँग्रेस पक्षाने उमेदवारी द्यावी. याप्रकरणी संपूर्ण बौद्ध समाजाच्या वतीने खासदार विशाल पाटील, आमदार डॉक्टर विश्वजीत कदम यांच्याकडे उमेदवारी देण्याचे मागणी करण्यात येणार आहे.
बौद्ध समाजाच्या उमेदवाराला काँग्रेस पक्षाने तिकीट न दिल्यास वेगळा विचार केला जाईल असा इशारा बोध समाजाच्या वतीने देण्यात आले आहे. सी. आर. सांगलीकर यांना उमेदवारी दिल्यास संपूर्ण समाज त्यांच्या पाठीशी ठामपणे उभे राहणार आहे. त्यामुळे त्यांना उमेदवारी द्यावी अशी मागणी करण्यात आली आहे.
यावेळी पत्रकार परिषदेमध्ये मिरज मतदारसंघातील श्यामजी ढोबळे, अविनाश कांबळे, दिगंबर मोहिते, कावेस कांबळे, संजय कांबळे, रोहित कांबळे, अनिल कांबळे, रवी कांबळे, लोहा कांबळे, दीपक कारंडे, राहुल कांबळे, विक्रम चंदनशिवे, संजय खांडेकर, रवी खांडेकर, हिरेश कोलप इत्यादी उपस्थित होते.